實習機會

Glow Make-up Academy 具不同種類的實習及有薪out job機會,讓同學可多方面發展,
    如婚禮宴會、晚會宴會、電視節目、品牌活動、雜誌、時裝表演等。

Student Yoyo: 今日我參與左女青年會拍攝嘅Outjob。 Cac老師帶領我哋幫3位媽媽同兩個小朋友化妝同整髮型。今日拍攝嘅內容係呈現基層市民嘅生活,所以我地化妝同做髮型果陣都盡量以整齊自然為主。Cac老師首先做左一個示範,然後聽Cac老師嘅指示幫演員化妝,老師亦從旁指導,最後好順利咁完成咗今日嘅Outjob。 Student Bonnie: 好開心再有機會可以跟cac老師出job,今次同上次體驗完全不同,因非商業性質,而是慈善團體宣傳片。有媽媽同小朋友參與拍攝,所以過程既歡樂又緊湊 。過程當中可以從旁學習到不同年齡層既人所需的化妝技巧,非常難得。

同學仔Poon的感想: 好開心今次能夠跟住Janice 一齊去出job,之前上堂既時候都只係聽老師講化妝師既工作流程,今次有幸可以親身去到現場睇下拍攝產品既studio,過程,確實係一個好難忘既體驗。作為一個化妝師,需要同是次負責人溝通好成個流程,例如Model適合既妝容,轉妝既顏色,每個妝容既拍攝時間等等,仲先可以令到成個拍攝過程順利而唔會Overrun。另外,都了解到Model既拍攝期間,化妝師都要留意住妝容上既改變。例如會隨住時間/model身體上既擺動而變淡,出油等等情況。希望有下一次機會再一次跟老師出job,去睇同類型既化妝工作,謝謝。 同學仔Moki的感想: 今次係一個長時間的唇妝shooting,要係一日內拍好硬照同短片,而因為不只一位model的關係,行程亦非常緊密。由於係長時間,了解到化妝前要做好打底,以及係化妝完後的shooting時,必須不斷觀察各model的妝容情況,根據翻適合佢地的補妝產品,隨時準備補妝。由於不斷轉唇,除了普通的補妝產品如唇妝及遮瑕膏之外,一些化妝用品如棉花棒等準備在手,都可以幫到化妝師們快速進行補妝,以配合緊湊既行程。係今次outjob明白

Student Sabrina: 好開心同好榮幸有機會可以跟Janice出去工作,可以係過程中觀察同學習化妝工作嘅流程同化妝嘅時候要留意嘅地方。而且比起係課室更加可以體驗一下真實工作嘅氛圍同見到Janice如何面對臨時同即場嘅變動,從而學習如何靈活運用課堂上學習的知識。 Student Jade: 今次既outjob係一個唇妝既shooting Model需要不斷換唇妝。今次出job與課堂上學到既好唔同,體驗到現場需要打醒精神留意拍攝時既妝容 係Janice補妝時從旁協助 亦要時刻留意model拍攝時可能會擺動而碰到妝容 要隨時準備清潔。今次體驗到拍攝時專業同緊湊嘅感覺。非常感激Janice比今次既機會。希望能夠再次參與。

Student Leo: 第一次嘗試長達10多個小時的拍攝,因要一日内完成廣告的硬照及Video,所以當日的拍攝都好緊密。在緊密的拍攝底下,見識到妝容的打底原來都十分重要,打底打得好妝容在長時間下才不會變色。另外,雖然妝容唔需要太鮮艷,但長時間的拍攝都需要全程ready 補妝。除此之外,還要一直留意拍攝時的燈光、螢光幕再捉緊時機去調整妝容、補顏色、印面油等等,同時又不會阻礙到拍攝進度。第一次體驗長時間的拍攝,雖然好攰,但亦是一次好難得的經驗。

Student Natalie: 今次跟Janice出嘅outjob係一個video shooting,過程當中睇到Janice非常細心,喺拍攝途中會不停留意artist面上會唔會出油同埋即時補妝,亦都會留意到artist嘅其他需要,呢啲都係我需要學習嘅嘢,平時喺課室唔會學得到。好感激Janice俾我呢個出outjob嘅機會,可以見識到真實工作環境嘅情況。

同學Ivy的感想: 感恩今次有幸跟Janice去 out job 拍錄姊妹淘化妝嘅環節。 當中體驗到Janice 如何專業快手地幫模特兒化出一個閃亮眼影聖誕妝容, 更細心在拍每個鏡頭之前, 也幫模特兒留意面油問題而加上碎粉,胭脂和唇膏。 今次的寶貴經驗係上堂學唔到,希望下次再有機會跟Janice 出job.

同學仔Camille感想:� 感謝學校老師給我這次機會令我親身體驗,近距離學習到化妝師真實的工作,這次拍攝是Fashion的視頻錄製,拍攝場景是聖誕氣氛的,首先來到場地Cac老師參考了模特的服裝來構思相關妝容,Cac老師用了比較matt的粉底幫model上妝,為了避免拍攝時間較長而泛油光。cac老師教導說因為這個model的輪廓比較利落,五官也突出而且有大眼睛,所以更加適合自然的妝容。第一次跟job就能學到這麼多非常感激,希望還有下次機會。謝謝🙏

同學仔Amanda 分享的感想: 感激今次有機會被選去out job到現場近距離了解化妝師既工作。親眼見到Janice快而準幫model化妝之餘,亦學懂細心及團隊合作的重要性。Janice於正式化妝前會先了解客人的要求、model要穿著的服裝及攝影師的拍攝手法去決定妝容。於拍攝時候亦不斷觀察monitor上的妝容確保其完整度。再次感謝Janice給與機會令我大開眼界。

Student Moki: 好開心今次有機會跟Janice出out job,了解到其實係化妝之餘,都要配合團隊工作。要配髮型師會設計既髮型、服裝等等去改變妝容,有時候改改唇妝部分等就足以令個形象更加突出。係拍攝過程裡面,因為係攝影時既燈光會影響妝容,除左係現場要觀察住model,都要時不時望monitor而決定需唔需要補妝。另外唔止化妝,有時候都要觀察現場周圍,有需要時可能幫忙一下model既服裝等,令整個團隊係拍攝上進行得更順暢。希望再有機會同Janice出job學野儲經驗。

Student 黃同學: 課程完結後,有幸跟Janice走出課室,出外體驗真正化妝師的生活,令我感到既興奮又緊張,因為經驗非常難得。今次客人接受雜誌訪問,Janice不但細心講解實際化妝情況,還給予我一些機會嘗試為客人補妝,心情真的非常興奮。今次經驗寶貴,令我更清楚了解自己以後化妝事業的學習及發展方向。再一次多謝Janice給予機會,讓我真正見識化妝師的日常。

Student Billy 上左咁多堂化妝,好開心有機會出out job亦係一個非常好嘅經驗可以體會下化妝師既工作情況。現場情況、時間控制、與其他工作人員配合(特別髮型師、攝影師)、轉妝、以及經常留意model既妝容與補妝,都係化妝師工作一部份。化妝師工作須要在唔同情況作出應變,係一個有挑戰性嘅工作。作為一個初學化妝既同學,最重要都係要有純屬嘅化妝基礎技巧,所以多練妝都係必要。

Student Jamie: 這次outjob令我體會到化妝工作是怎樣一回事。除了化妝技巧外, 化妝師亦要具備良好的溝通能力, 令客人放心地相信化妝師的眼光, 會令自己變得漂亮。化妝師亦要隨機應變, 因應客人的輪廓及喜好在限時內完成妝容。謝謝學校讓我可以有這次機會實踐所學! 同學Yan Yi的感想: 今次同一眾同學跟Francis老師到天水圍做outjob,為才藝表演嘅服務對象負責髮型部份~過程當中最有意義嘅係了解對方表演項目、打造佢哋想要嘅髮型,以及給予鼓勵同讚美,令佢哋開開心心同充滿自信去表演👍🏻望住大家扮靚靚之後好滿足嘅表情,我都覺得好開心😃今次嘅outjob又令我上咗一課,希望再有下一次機會服務大家🙂

Student Hiu Yu: 好開心今次有幸跟cac老師出job,第一次戶外係公園化妝,老師因應當日嘅溫度而去決定Model既妝容及選擇適合的化妝品。另外當日陽光普照,老師當日在烈日下暴曬就係為左照顧兩位Model的妝容,非常敬業。

Student Carrie Leung: 好開心可以跟Janice outjob,心情好緊張同興奮。今次Janice幫Elva化粉紅主題既妝容,應用左上堂所教既深淺色粉底運用、紅唇妝、兩深一淺等等化妝技巧。因為今次係cover shooting關係,所以Janice特別提醒除了要留意幫model touch up外,仲要多睇mon睇下model洗唔洗補色。今次outjob係Janice身上學到化妝技巧之外,仲學到溝通既重要性,在拍攝現場要同model、髮型師,造型師同攝影師互相溝通,先可以令拍攝過程更加順暢。好開心今次outjob可以見識好多,係平時上堂學唔到,希望下次可以再跟Janice outjob。

今次CAC老師又帶同學仔出outjob啦,今次報名人數相當踴躍,有成16位同學仔共同擔當化妝師,今次這個工作是幫一個Charity Concert進行中小學生的舞台化妝。老師們同學生都好認真,係正式工作前都已經做左一個詳細的briefing及demo示範。 同學們都好俾心機,好多同學雖然都係化妝新手,但係都化得相當不錯,大家都好比心機及相當認真,其實這次化妝經驗係一個好寶貴嘅經驗,可以令到同學仔學懂怎樣可以在短時間化到一個簡單完美的妝容,而且舞台妝容比起平時化靚女妝需要稍為濃艷一些,在台上先會看到明顯的化妝效果。 同學們!good job啊!下次有相同的機會,同學們都要踴躍參加啊!

Student Peter: 今次經驗好豐富,可以親身體驗到與一班不同範疇既專業人仕進行廣告拍輯工作,大家都很專業很用心地去做好每一個崗位,每一個細節,為出來的成果更完美。 而且今次可以在Janice 身旁近距離觀察每一個步驟,由零到過鏡 ,亦也可以感受一下專業化妝師用在模特兒面上的力度 用色,因各部位皮膚狀態既產品調整, 令我更學習到課堂之外既技巧和知識。

Student Agnes: 這次outjob機會使我知道拍一個fashion video需要甚麼妝容、化妝要注意甚麼、怎樣跟模特兒和負責人士溝通等等...是一個難得的體驗。

Student Leo: 好開心可以跟Janice出outjob,可以睇到化妝師真實工作的每一個步驟,對於一個新手黎講真係一個好寶貴既經驗,可以感受到一個專業化妝師除左要化妝技巧好之外,觀察力都好緊要,要時刻注意model的妝容、出油情況同燈光下既效果等等,要抓緊時間上前補妝,保持妝容完美。另外,除左化妝之外,都要留意下其他人需唔需要幫助,盡量幫手,抓緊拍攝時間。希望下次再有機會跟Janice出job學野儲經驗!

Student Spirit: 好高興第一次能跟Miss Cac出outjob實習,學習到拍攝fashion magazine 時對於服裝配搭妝容的事前準備、補妝及轉妝技巧,需要注意model拍攝後在電腦屏幕出現嘅妝容而決定是否需要加強胭脂/唇膏效果。亦了解到拍攝時化妝師的工作流程及細節,與其他工作人員應如何配合。 另外,在現場亦見到Miss Cac 除左留意model面上妝容狀況外,亦會顧及model嘅心理狀態,出現突發嘅心理狀況時亦會作出適時照顧,緩和緊張氣氛,令整個拍攝過程更加順暢。希望日後可以再參與不同類型嘅outjob學習機會。

Student Icy: 今次係一個護膚廣告,需要既係妝容透薄而且又需要遮到瑕疵, janice可以令model個妝容又透薄又水潤遮瑕度夠,而且要透過電視螢幕去觀察model個妝邊個位需要補 ,而且今次廣告都長達10小時 ,完妝後都不能鬆懈, 因為要照顧一些小位置, 如果model既身體都需要上鏡 ,亦都要照顧埋 ,而且仲需要好小心 ,唔可以整污糟上鏡既衣服, 所以今次係一個難忘既經驗 ,希望下次可以再出outjob。

Student Karlie: 昨天跟Cac 老師outjob參與一對新人的wedding。過程中rundown 十分緊湊,整個轉妝,touch up的過程可以說是分秒必爭。和其他拍攝不同,Cac老師提醒我除了新娘的妝容,也要留意她整個形象,希望她在當天保持最佳狀態。過程中雖然有些小意外,但最後很都能順利完成。再次多謝Miss Cac and Glow Makeup 團隊。

Student Wendy Yeung: 好開心今次可以跟Janice 出outjob。透過今次的outjob,我了解到化妝師的工作流程及工作崗位,例如化妝師應該在什麼時候為客人進行touch up,也留意到化妝師如何與其他工作人員配合。此外,Janice 也向我講解了一些outjob時要注意的細節,例如拍攝用燈的紫外線很高,所以可以幫客人在皮膚外露的部分塗上防曬,以免客人曬傷。是次outjob 真是一次難得的經驗,希望下次可以再跟Janice 出outjob 。

Student Renee: 感謝Glow Makeup團隊俾呢次機會我有幸跟janice出outjob。好開心可以走出課室,真真正正感受作為化妝師工作嘅實況。 今次工作嘅內容係電視拍攝,雖然只係上咗幾堂仲係好新手,而且係第一次跟outjob,其實好緊張,幫到嘅忙只係好有限,但成個過程之中janice都會提點我好多要留意嘅地方,仲放手俾機會我親身落手試下幫elva補粉,唔可以係鏡頭下出現太令身嘅情況。隨時都要standby留意住妝容諗定要做啲咩,一有時間就要好快手補妝/轉妝,仲留意到佢會好細心衣服以外會露出嘅地方有瘀痕嘅話都要用concelaer遮咗佢,呢啲小細節作為化妝師都要顧及到,工作實況同上堂學到嘅真係好唔同。 希望以後會再有機會跟janice出去outjob,當中可以學到嘅嘢真係好寶貴嘅一課。

Student Kar Yan: 好開心可以跟Janice出outjob, 了解廣告拍攝的工作流程, 雖然今次的妝容比較簡單透薄, 但見到Janice都做足每一個步驟, 拍攝期間仲要留意model個妝邊個位要補,希望下次再有機會出outjob.

Student Lavenus: 今次要幫手進行補妝,要係短時間內補好唇妝,要注意其他有沒妝容需要補,係一個好好的經驗。另外要注意拍攝期間,不同燈光的妝容會有不同,我希望下次都有呢個機會幫手,係一個好難得又重要的經驗。

Student Hazel: 今次嘅廣告拍攝係Outdoor,所以係帶備補妝物品時都要預備充足,雖然整體妝容已經完成,但天氣太熱長時間曬住難免會出油出汗,所以係停機時都要十分留意妝容嘅轉變,好開心可以參加今次嘅Outjob!

Student Suie: 好開心今次可以跟cac老師出job , 今次係幫一個潮流品牌既fashion 拍video,中間發生左小小插曲係關於model既皮膚,但Cat老師好似魔術師咁用佢對魔術手將Model嘅皮膚還原光彩美感,實在令我大開眼界,與此同時我也從中學習到一些髮型既知識,同時亦明白到team work 既重要性,謙虛接納別人既意見,所以拍攝出黎嘅效果非常之好!!今次嘅拍攝非常之順利,好多謝老師俾機會我,我也很期待下一次的out job ! 多謝老師!

Student Leo: 好開心今次有機會可以跟janice出outjob見識下! 過程中除左可以應用到平時上課所學的知識技巧外,仲可以見識到化妝師的真實的工作環境及流程。雖然今次簡單的靚女妝,但觀察到Janice 都好一絲不苟,不時留電視台的燈光對Kelly妝容的影響,再作調整,令妝容更自然。期待下一次的outjob機會

Student Rosey: 今次係跟Miss Cat到一間公司幫佢地需要影個人照既職員去Touch up妝容髮型令佢哋精神表現自信,除左要快手唔好影響拍攝進度,平時肉眼見人既妝同經過相機打燈後既妝容真係好大分別,妝感會減淡要一直留意電腦屏幕上既效果,加強胭脂加強陰影加強唇膏留意髮絲,希望日後再有更多化妝師既工作體驗。

Student Lavenus: 今日有幸可以跟到Janice 拍攝節目,今次經驗十分難得,拍攝這些錄影節目不但可以學到Janice 平時出Job的化妝技巧,仲可以留意到平時拍節目的流程及需要注意的事項,希望下次都有機會再跟以上類型outjob。

Student Icy: 今次係第一次出outjob 令我學到好多野 見到janice好細心去幫Elva化妝 例如黏假眼睫毛 一束束去起再一束束黏上眼 再調整弧度 等佢可以用最佳狀態去拍攝 因為現場會有好多攝影器材亦都要好小心同不阻礙大家拍攝既時候快速補妝 而且janice 仲照顧埋elva 一些小小舉動 如果有機會都想可以再跟janice 學習。

69308677_2420038361394925_77574323622327

Student Anson: 能夠有幸和Janice岀out job係一個好體驗,當中能夠見識到一個化妝師岀out job時,不只是為model化好個妝咁簡單,還要在整個拍攝過程中,不停touch up等等。當中能體驗和學習到的都不少。

67411409_2375995062465922_42903054912522

Student bonnie : 好開心有呢次機會可以跟Cat老師出Outjob。今次Outjob內容係拍攝髪型用品廣告,有多個不同造型。整個拍攝過程中,充份展現團隊既重要。攝影師專業既指導,化妝師髪型師既合作(一有空檔就立即埋位補妝整頭),Model 專業既表現,工作人員即時既feedback。每個造型之間準備時間不多,老師用唇妝及胭脂,迅速將妝容變換成不同風格,以配合髪形既變化。 以上每部分都造就更好既作品,多謝學校同老師俾呢次寶貴既經驗我,見識到行業入面真實既工作環境以及氣氛。

68991274_2401714186560676_21670772845093

Student Editha : 感謝Janice 團隊,抽中左我參與雜誌造型照Outjob。 呢次係我第一次出Outjob,雖然會有d緊張,但Janice 好有耐性咁指導我可以點做,慢慢就會放膽去幫手。出Outjob 除左可以將上堂學到既野,充分實踐返出黎外,仲學習到要與不同岡位合作既重要性,包括攝影、服妝造型及髮型等等,團隊合作令到整個造型及工作更出色及完美。 是次Outjob 經驗實屬非常寶貴。謝謝!

69211150_2420105504721544_66540167509185

Student Karlie : 多謝Janice 團隊和Cac 老師俾我有機會參加今次嘅outjob。Cac老師係shooting開始之前同我講解一次流程,由基本到場後的setting到補妝,讓我有清晰的概念。Cac老師和髮型師進行妝髮的同時,也可以好好觀察他們的做法,從中學習。雖然有點緊張,但慢慢能投入到拍攝中,亦有機會親自替model補妝。 今次跳出課堂的經驗十分寶貴,充分體驗到完成一個shooting需要整個團隊的合作。再次多謝Glow Makeup 團隊。

61958233_2267875243277905_20632338529895

Student Dorathy Kung: 睇住Janice 喺室內好快幫Elva化好妝, 轉眼就要出發到海旁進行廣告拍攝了! 今日天氣時陰時晴, 有時需要喺微微雨下拍攝, 後段更越拍越大風呢! 不過Janice都係無鬆懈, 貼身跟實Elva印油, 印汗, 印雨水, 補粉, 轉唇妝, 補胭脂等等, 亦和我分享了戶外拍攝和造型上的心得. 即使今日天氣不佳, 但廣告拍攝依然能順利完成, 完全明白到一個專業化妝師如何能夠令一個廣告拍攝進行得更順暢呢, 謝謝Janice :)

64301673_2289325554466207_66896174341873

Student Bella: 第一次跟Janice出outjob,好緊張又好興奮,可以真實睇到化妝師出job各個步驟,對於一個新手黎講真係一個好寶貴既經驗,可以感受到一個專業化妝師除左要化妝技巧好之外,觀察力都好緊要,要時刻注意model個妝同燈光下既效果,要把握時間上前補,令妝容保持完美,希望可以多啲跟Janice出job學野儲經驗!

65860800_2323362291062533_65266165877162

Student Lavenus: Lavenus: 今次好開心有機會第一次化妝。作為一個新手,這些charity outjob 令我有一個平台開始有機會俾自己真係有機會化妝,這個經驗對我黎講都係十分寶貴,不但做charity outjob 可以幫到人之餘,仲可以俾自己一個機會可以練妝,感覺好開心及滿足,希望下次都可以再有機會再參加這類型的outjob。

66787886_2346698405395588_30360371122405

Student Tiffany: 真係好多謝學校比呢個機會我體驗一下化妝師嘅工作! 經過今次嘅outjob,我發現媒體化妝師除左要自己手妝化得好,除左講求同客戶嘅溝通,化出客戶想要嘅效果之餘,仲好講求同攝影師嘅默契,因為有時唔同嘅攝影師嘅拍攝手法、取鏡,都會好影響個妝嘅整體妝感! 除此之外,媒體化妝師需要有好敏銳嘅觀察力,因為每當攝影師影完一part相嘅時候,化妝師就要把握短短1-2分鐘review相嘅時間,去睇清楚model需唔需要補妝,確保model個妝係上鏡嘅時間一樣係咁完美無瑕。

67537467_2362669620465133_44435699603959

Student Tiffany: 好多謝學校比我再一次參加outjob😊 今次有幸跟Frances老師為品牌新品發佈嘅model整髮型, 令我更加了解到髮型師嘅工作。平時上髮型堂,老師會同我地分析每個工具嘅優/缺點和基本用法。但一到正式出job時,好多時髮型師都需要臨場應變,善用不同嘅工具,即時為model 設計一個同時符合其氣質、品牌形象同整體造型嘅髮型,所以其實髮型師嘅工作都好具挑戰性!

Student Rosey: 好開心今次第一次跟Janice出去體驗fashion雜誌化妝工作,原來上完妝準備拍攝期間都要一路留意影出黎啲相有冇地方需要補妝。希望日後都會有更多機會體驗化妝師既工作。

Student Jennifer:雖然平日makeup job 都要確保客人靚妝,但係幫女藝人的時候,例如event 時做好多次訪問、影相時會打大量強燈會令皮膚溫度上升,所以要keep 住面部冇出油,同時要保持過鏡後皮膚光澤感,每次補妝都要好小心,希望每次補妝後都好似岩岩化完ge效果。 另外出event ,藝人的衣著都係精心挑選過的,妝容都要fashionable同時襯返當日衣著,令觀眾睇上黎都覺得好靚好重要,所以令我更加認同化妝師角色好重要!

Student Maggie : 今次係我第一次跟Janice outjob做assistant ,好感謝Janice 俾咁難得嘅機會我體驗化妝師出外景的實況。今次幫vogue magazine 拍攝地點仲要係船上,體驗到化妝師要係唔同環境都要保持專業,有時D浪好大連人都企唔穩,更何況要係不斷搖晃既狀態下化妝,少D經驗都唔得吖!專業的Janice 只係用左半小時就完成一個model既妝容,仲提醒我地要不時留意model 有冇出油或需要補妝。今日的外景拍攝令我大開眼界,感謝Janice俾我學習的機會,今次絕對係一個好難忘同奇妙的經驗,謝謝!

Student Lavenus: 作為assistant , 都是第一次進行山上外景拍攝的化妝工作,雖然只係一個assistant, 但今次的而且確有一個寶貴經驗。因為從來都未試過到山上工作,雖然過程都較辛苦,好像平時行山一樣,但化妝師就需要刻苦耐勞,另外,都好感激其他工作人員,大家都互相幫忙,過程雖然辛苦,但這種teamwork 令我好感動,都好慶幸自己有份參與這次廣告拍攝,希望下次都有機會再出這類型outjob。

Student Lavenus: 雖然今次不是第一次跟住janice 出去outjob ,但我都依然好興奮,這對我來說是一次寶貴的經驗,因為經驗需要累積的,每一次跟janice出去outjob 都可以學習不同的東西。好像今次我是第一次出去外景拍攝,除左可以留意到在外景拍攝同在室內拍攝的時候需要注意的地方,因為燈光和環境都不一樣,所以妝容狀態都有不同,所以在不同環境都需要密切留意注artist 的妝容,以可以在最快時間補妝。

Student Edith Chan : 今天VDL的pop up store非常熱鬧. KOL和媒體朋友除了對品牌signature primer有興趣. 看到琳瑯滿目的eyebook mono 更是十分興奮. 現場根據當天客人的衣着色系作出分析. 我們再設計出專屬客人的眼妝和唇妝. 除了需要技巧. 更考驗了我們的創意和速度. 雖然有點應接不瑕但客人認可的微笑或點頭令我感到很快慰.

Student Lucy : 好高興可以跟Janice去拍攝節目的現場出Job,Janice的專業認真負責給我留下深刻印象。在整個過程中,Janice不斷提點我要注意的事情,也令我認識到出Job現場一定要隨機應變。希望以後能有機會跟Janice學習更多化妝的學問!

Student Ivy: 多謝Janice揀中我有份參與今次新娘造型拍攝😊今日負責左髮型打底部分,係Janice指導之下順利完成✅第一次接觸攝影掤內運作模式,好興奮,見識到點樣同攝影師溝通,指導模特兒動作。。。學到唔少野哦!希望再有下次機會可以參與!😘 Student Jennifer : 多謝janice 今次比我在新娘造型拍攝有份參與化妝部份,見到janice 好多時都就地取材去化妝,同埋臨場應變令到最後效果順利完成,化ge妝就係平時佢上堂教ge東西,可以溫故知新!

Student Ceci : 經常聽說Janice on set時非常快手,今日終於見識到!短時間就化到個不厚重但又好sharp的妝,真係覺得好勁! 拍攝期間,Janice 一直同我解釋同一個妝係不同燈光下會有不同,有咩地方要注意,應該要用咩產品etc。亦都有比機會我為Elva補妝。今次呢個拍攝真係學到好多,係一個好難得又重要的經驗。真係好多謝Janice俾左今次機會我!

Student Janice : 好開心學校帶我哋參加今次嘅out job!!! 一個好難得嘅小導師經驗~平時睇Janice 校長上課邊示範邊講解好似好輕鬆,自己親身上陣嗰陣真係一d都唔容易!有幸我能參與其中。

Student Ivy : 喺Creative班學到既特技妝技巧,自己在家反覆練習,再到中學為一眾學生講解,其實一d都唔容易,但過程非常好玩開心,多謝校長Janice同Cac老師既用心教導,亦好開心學校俾個機會我地,令大家一嘗做個小老師既滋味。

Student Loki : 呢個係我第一次出outjob,整個過程對我黎講係一個又有趣又可以學野嘅機會,原來自己學識左一啲技巧之後要教識其他人,表達得清楚易明好有難度,有好多細節要注意。係過程入面亦發現自己重有好多野要學,好多地方可以做得更好,係之後都會多加練習。其中最多謝Janice嘅教導同埋不時嘅提點,好幸運今次有機會參與其中。

Student Sher : 今次既outjob令我發現做老師教人化妝真係唔容易,講解同時要示範,真係要好熟d技巧又要有條理講到重點,不過d學生都好認真同有創意,過程都好開心,多謝學校提供呢個機會比我哋去體驗。

Student Chu Man Chun: 今次係第一次跟Janice 出Job 心情緊張得來又帶一點期待 好多謝Janice校長的信任 除了讓我從旁學習之外 更放手讓我跟Artist 補妝 今日喺電視台工作 讓我更加清楚明白到 時間管理的重要 因為每一次補妝的時間可能只有少於1分鐘 而必須在1分鐘內處理好Artist 泛油、脫妝或者唇部脫皮的問題 所以今日真係獲益良多 學到好多喺課室學唔到嘅實戰技巧 再一次多謝Glow Makeup Academy 及 Janice校長給予我學習的機會! 期待下一次的合作!

Student Icey : 感謝有這一次的機會讓我出Job 可以讓我體驗到拍攝廣告的流程 體驗化妝師的工作 學習到臨場應變 雖然我們是負責化妝部份 但同時亦要留意場上每一個細節 例如幫助Model整理服飾、幫忙整理場地等等 我們不是一個個體而係一個Team 無時無刻都要打醒12分精神有何任需要就去幫手 很感謝有這次給了我一個十分重要的實戰經驗

IMG_2958

Student Suki : 非常感激Janice俾機會我親身體驗outjob,今次絕對係一個難能可貴嘅經驗! Outjob當天的陣容龐大,一共數十人嘅製作團隊,於國際五星酒店為知名模特兒,拍攝國際護膚品牌的新一輯平面和宣傳影片。 從旁協助Janice化妝的途中,深深體會到化妝師與整個團隊,多方面的合作和溝通,是多麼重要!一方面化妝速度要趕上拍攝進度,另一方面,考慮妝容時亦必須配合天氣情況、燈光、服裝、髮型和客戶預期效果,這樣才能達至完美妝容,win-win雙贏! 另外,一整天的拍攝也非常講求化妝師的觀察力和細心,務必時時刻刻都留意model的妝容有無瑕疵和出油,和快速補妝!特別是close up鏡頭下,就更加要細心謹慎! 真心尊敬和佩服Janice和每個單位都合作無間,還談笑風生。相信要成為一位出色的化妝師,除了excellent的化妝功夫和態度外,還要具備talk得玩得social得的個人魅力。我會努力朝著呢個方向進發的!希望workshop可以有更多呢類型嘅寶貴機會比我地參加學習啦!💪🏻

IMG_3010

Student Lavenus : 好多謝glow make up 可以俾機會我第一次跟janice 出去outjob,第一次出outjob 感覺興奮又有少少緊張,但是經驗對我來說好難忘。 因為我至幼對化妝都好有興趣 ,一直志願希望有一天可以成為化妝師 ,雖然都是今年先開始上janice 化妝班 ,我學了8-9堂左右, 可以有機會第一次跟janice 出去outjob ,感覺很興奮同難忘 ,雖然當天只是assistant角色,但是對我來說 每個機會都好重要。當天第一次跟janice 出去跟elva job,在旁邊看著janice認真化妝,都令我獲益良多,都令我對化妝既outjob有更深入的了解,希望我下次都可以再有機會跟janice 出去outjob ,以加強我的化妝技巧。

Dior recruitment

Dior recruitment Student Iki : 成日活動都好好呀 有講解加入Dior團隊既晉升,仲有比賽/海外工作機會,同埋佢地好鼓勵對工作有熱誠既同學仔加入佢地呀👍🏻👍🏻👍🏻

理工大學 dance society makeup sponsor

Student Janice : 今次有幸參與理工大學 Dance Society嘅成員化妝真係一個很好嘅體驗!雖然有成70位dancer, 不過做自己喜歡的事總是不覺得累🙈

理工大學 dance society makeup sponsor

理工大學 dance society makeup sponsor

理工大學 dance society makeup sponsor

Student Esther : 早兩日跟 #GlowMakeupAcademy 返PolyU幫Dancing Society 化妝,見到d 學生跳舞超叻👍🏻👍🏻成日都覺得識跳舞既人好型好犀利啊😍😍😍以前喺Poly 無正式睇過 dance so 表演,今次喺後台化妝間總算睇到個電視直播😆當日都俾學生熱烈既氣氛感染到,青春真好哦!😄

30572094_1681587625240006_5072381575149125632_n_edited

Student Esther : 今日好開心跟 Janice 同 Glow 同學仔出席 Mac master class ~~ 仲可以同化妝界大師Romero Jennings 合照添啊~ (化身成小粉絲😆)。今次睇Romero 同Ryuko Lau 示範春夏潮流妝容,真係大開眼界啊😍!果然係國際級大師中的大師👍🏻👍🏻👍🏻

MAC Master Class

MAC Master Class

29468408_1659358074129628_5995534771940229120_n
未命名-3
7da1b2e5-d680-4638-9105-c807aecd071d
未命名-2
dd8a5b0f-b1b6-428b-be82-9559148a6a3b
未命名-2

Student Loris : 今次能夠被JANICE挑選出OUTJOB實在感到十分榮幸,見識到一個化妝師對於整個拍攝的重要性。JANICE功力深厚, 迅速完成妝容並將ANGLE嘅美突顯得淋漓盡致。能夠係JANICE身旁偷師亦足以一身受用。最令我感到讚嘆是JANICE嘅無微不至, 即使極為細微嘅地方都照顧得妥妥當當,猶如讀心師一樣了解攝影師補捉嘅角度,令一切拍攝工作極為順利完成。

未命名-2

Student Jamie : 今次跟Janice outjob 是替elva拍攝廣吿,包括短片和相片,亦是我第一次親身可以去到拍攝廣告的現場,感到很榮幸。Janice 會因應拍攝的需要而調整妝容,亦在短時間內完成化妝。即使遇到突發的情況,化妝師仍要處變不驚,要冷靜去解決問題。在拍攝過程中,化妝師和髮型師會全神貫注地觀察造型,會因應燈光等因素即時調整造型,由此可見,當一位全能的化妝師真不容易。透過這次體驗,我們平日在媒體看到的相片看似簡單,其實它們亦不是我們想像中這樣,廣告的製成品要在多方配合下才能完成。

未命名-1

Student Winnie : 好開心有機會可以參與今次雜誌訪問的拍攝工作。過程中,知道作為化妝師,了解model 皮膚及頭髮狀況,從而選擇合適的用品是很重要。而且化妝師需要很細心。除了照顧model 的需要,考慮妝容與服裝的配合外,亦需考慮其他工作岡位的需求。與攝影師及雜誌社緊密溝通,適時提出或配合建議,令工作進行得更順利。 在看拍攝成品時,可見於Basic 班的打底技巧,及Bridal班教的光影處理,在清晰的鏡頭下,對塑造自然的立體感很重要。 Janice 所用的都是市場上買得到的用品,可是妝容卻很精緻,一切都是技巧和苦功。

IMG_4441

Student Ceci : 今次跟Janice outjob 是替angel 化妝+set 頭拍攝雜誌訪問 包括 照片和錄像。現在 作為化妝師除了要配合拍攝風格化妝化得靚、突出模特兒的面容優點之外,也要有set 頭的技術和對拍攝的敏銳觸覺。當模特兒轉換不同動態拍攝時,妝容的光暗對比和頭髮的擺放位置也要作出相應的配合以呈現模特兒最美的一面。如何運用 concealer 和corrector 也是一大學問,Janice 只是輕輕塗抹一下就成功把滿滿瘀青 還原 成Angel 的美腿。

IMG_1657_edited
L1080277
L1080332
IMG_3283
IMG_3323
IMG_3336
IMG_3003

Student Yuki : Outjob 除咗幫人化妝之外, 化妝品牌活動中嘅Makeup Artist Sharing 都係outjob既一種。好開心可以有機會接觸到呢個類型嘅outjob, 好多謝Janice俾機會我出席😘 當知道可以出席呢個outjob嘅時候,心情係好開心,但係同時都好擔心。化妝時,大部分時間都係用工具,化妝品幫人變靚就可以。但係要將整個產品,在好多人面前Present 出黎,就會變得不容易。事前必需要多做準備,記熟產品資訊,重覆練習,先可以。事前功夫雖然已經做左,但係臨近Present 時,內心極為緊張,不停重覆背誦。最後present時,過程都流暢,同客人都會有互動,總算順利完成,獲得不少經驗。經過今次outjob, 我更相信化妝師係好一個專業行業,除咗化妝手藝要專業外,都要有一個好好既Presentation Skills,先可以對身邊既事應付自如。👍🏻

IMG_2998

Student Windy : 今次跟miss出job,發現原來看似簡單的短短15分鐘分享,背後是花了好多時間對產品的了解,然後經過消化再用自己的方法演繹和表達出來。

23131856_1522259954506108_8596771073334014817_n
22852977_1521143901284380_5996509506768653945_n
23032893_1522259947839442_3466044790801434039_n
22851840_1522259981172772_3006020647123149124_n
22814448_1521143894617714_2682922230216496291_n
3
IMG_1500

Student Tea : 當知道被janice 挑選出outjob ,見識一下作為一位化妝師於cover shooting 的工作崗位,心裏興奮不已。 我能夠從旁體驗及感受到 janice 深厚功力,極速完成一個透薄自然底妝,而且見證到janice 瞬間把瑕疵變走,絕對係「瞬間」,實在嘆為觀止! 而且拍攝期間,janice 會因應燈光,及效果需要,即時為妝容作出調整,以配合最好的拍攝效果,實在大開眼界。 日常我們所見到雜誌的數張相片,其實拍攝背後,花了很多攝影師,化妝師,髮型師,造型師等等很多心機和功夫,而且大家必須有良好溝通技巧及默契,務求把最好的呈現在讀者眼前,所以,光是溝通技巧,亦足以我地上一課。 於不阻礙拍攝期間,janice 亦給予我機會,讓我這初哥獨自為倪晨曦小姐(elva)拍粉,印走因燈光熱力令鼻翼出油,elva 真是神級美女,人美,又有禮貌,還幫我揸機自拍,xpxp 多謝elva~

IMG_1287
21366743_1475824539149650_2028844351105322235_o
21368721_1475825855816185_4487193320215211596_o
21731448_1480435218688582_5611110977769179520_o (1)
21415034_1477931422272295_2665315213513981142_o
20160319211258_5000_edited
20160328165834_7968
20160328165621_7812
20160328165546_6875
20160328165338_9218
20160326180139_6562
20160324140313_9062
20160326180609_0937
11895278_915673475164762_6029279652090039282_o

Student Christy: 今次我都係第一次出outdoor job, 係叢林地方有好多小昆蟲,好彩Janice有帶備好勁既蚊怕水,救左我同好多工作人員,如果唔係既話我對腳一定腫曬!另外,去outdoor地方都好污漕,無廁所又無水洗手,好彩Janice有帶消毒酒精,所以話做足準備真係好重要! Student Vicki: 第一次outjob事前好緊張,今日仲要有得出外景,真係好開心!雖然今日幾熱同外景地方好多蚊咬,但我覺得見識到好多平時唔會接觸到嘅野,幾辛苦都值得!

20160319212226_9843
20160319211338_6875
20160319211320_9218
20160319211313_0156
1375877_10152236639013345_1459552095_n
20160319211311_0156
20160319210616_6406
20160319210605_1406
20160319210614_7812
14424831_1135012149897559_6837577226425017067_o
14380090_1132681730130601_2156967829264386907_o
14379898_1132681296797311_6411108686529937116_o
14379821_1132680383464069_4713116430080039489_o
14324300_1132681076797333_1943460981359285822_o
14324644_1132681083463999_1875941033523422074_o
14372306_1132681916797249_2284736312318774744_o
16707573_1277046439027462_1602837587539070437_o
16707594_1277047255694047_6278775396444238489_o
16665824_1277047709027335_8757862134179004628_o
16700321_1277047185694054_8405285504317886840_o
16586942_1277047772360662_2905267697931976069_o
16665248_1277046395694133_2889127264742975321_o
16602496_1277046819027424_759755246813403692_o
16665090_1277046949027411_1244188846518953017_o
16601590_1277047365694036_9108290313930906311_o
15578281_1225962014135905_3259233004270792545_o
15418309_1225962300802543_7222597928130969599_o
15403847_1225962484135858_8348232568695942437_o
15392793_1225959967469443_92115171521794406_o
18156379_1355157617883010_3048823757755846182_o
18156734_1355157884549650_8342105859625618130_o
18193321_1355158084549630_529494407599830436_o
18208976_1355157641216341_7001810478445053532_o_edited
18209346_1355158044549634_1547683326987026937_o_edited
1912147_641673165898129_144311471_o
10258729_692465267485585_5171240548719311376_o
10371212_692465514152227_8048139457829143207_o
12494796_972740789458030_1546097241335446330_n
16586965_1277073625691410_1254426577738137827_o
16700555_1277073509024755_8098636764653665113_o
857015_551615124903934_2135101800_o
10505252_767548489977262_6320509055318871329_o
18192659_1355155401216565_5664937889188393943_o
18192560_1355155397883232_2651624063235547214_o