「Outjob 注意事項・出Job用品」

化妝師出Job都一箱二箱帶齊化妝同髪型用品，但一個人即使帶行李箱可以帶嘅物品都好有限，所以識得取捨同㨂啲產品係可以適合大多數人用嘅就可以節省好多位置。

粉底選擇方面，唔少化妝師都鐘意㨂啲持久控油嘅粉底液，雖然Longwear 粉底會減低溶妝嘅情況，特別適合用係難處理嘅油性肌膚，但呢款粉底性質會較乾，用在乾肌或混合性肌膚都容易太乾起紋甚至Cake皮嘅情況。

建議可以㨂番水份重嘅粉底液，可以適合大部分膚質使用，穩陣啲帶1-2款，顏色一深一淺就可以。