「Outjob注意事項・期數」

講起期數，大家都要留意唔同地區嘅做法都唔同。例如係香港除左Wedding Job，大部分Outjob都好少會俾訂金先，一般完左Job之後先再等安排公司找數，而數期就因公司而定約1-3個月。而內地通常都係即完Job即刻現金找數嘅。因為每間公司都唔同，所以新入行嘅你最好要事前問清楚，最好就係張單到寫清楚。

開始接新娘化妝嘅同學都要注意，所有細項都必須係單上清楚列明，例如半日及全日時間，界定番Overrun時間同額外收費、偏遠地區嘅額外收費等，再仔細嘅可寫埋價錢包含嘅工具如睫毛、粉底噴槍。溝通好寫清楚係保障番雙方，避免事後有爭拗，咁就合作愉快啦～